RASIMU YA HESABU KATIKA HALMASHAULI YA WILAYA YA KILOMBERO

RASIMU YA HESABU WILAYA YA KILOMBERO

Jumla shilingi bilioni 15 milioni 690 laki 944,313.00 zimepitishwa na baraza la madiwani la halmashauri ya wilaya ya kilombero katika kikao cha kupitisha rasimu ya kitabu cha hesabu za mwisho za halmashauri hiyo kwa mwaka wa fedha ulioisha juni 30 mwaka huu.

Fedha hizo zimepitishwa na baraza la madiwani hii leo katika kikao maalumu cha kupitisha Rasimu ya kitabu cha hesabu za mwisho za Halmashauri kwa mwaka wa fedha ulioisha 20110/2011kilichofanyika katika ukumbi wa Halmashauri ya wilaya.

Rasimu hiyo imeonyesha kuwa kiasi hicho cha fedha ni majumuisho ya mali za kudumu ambazo zimefikia kiasi cha shilingi bilioni 10 milioni 499,16,346.00 na mali za muda mfupi shilingi bilioni 5 milioni 191 laki 927,967.00.

Aidha sehemu kubwa ya mali hizo zimetokana na fadha za ruzuku kutoka serikali kuu na michango ya wahisani kiasi cha shilingi bilioni 14 milioni 79 laki 763,492.00 na ziada ilyohifadhiwa ni shilingi bilioni 1 milioni 611 laki 180,821.00.

AFYA WA WANANCHI WA KILOSA HATARINI BAADA YA KUPASUKA KWA BOMBA LA MAFUTA,LIENDALO ZAMBIA.

BOMBA LA MAFUTA LAPASUKA WILAYANI KILOSA
Jumla ya ekari 1400 za mazao mbalimbali katika kata ya Malolo wilayani Kilosa Mkoani Morogoro,zimeharibiwa na mafuta machafu yanayovuja kutoka katika bomba kubwa linalosafirisha mafuta hayo kutoka Tanzania kwenda Zambia lililopita katika kata hiyo.

Afisa kilimo cha umwagiliaji wa kata hiyo, Bwana Mwelasi amesema bomba hilo la mafuta tangu lipasuke hadi sasa ni muda wa miezi miwili na limeharibu mfumo wa umwagiliaji wa mashamba jumla ya ekari 500 ya mazao ya vitunguu na mahindi.

Bwana Mwelasi ameyataja mazao yaliyoathirika kutokana na kupasuka kwa bomba hilo kuwa ni vitunguu na mahindi ambapo hata kiwango cha uzalishaji wa mazao hayo amesema kuwa kimeshuka.

Afisa kilimo huyo amesema mimea imekauka kutokana na mafuta yanayovuja kutoka katika bomba hilo na kuingia chini ya ardhi na kuathiri mazao na kusababisha kushuka kwa kiwango cha uzalishaji.

Akizungumzia uzalishaji wa mazao katika kata hiyo Amesema hapo awali kabla ya bomba hilo kupasuka ekari moja ilikuwa ikizalisha magunia 70 ya mazao, lakini sasa ekari moja inazalisha gunia 20 ya mazao kiwango ambacho amesema kimeshuka kwa kiasi kikubwa.

Hata hivyo amevitaja Vijiji vilivyoathirika na mafuta hayo kuwa ni Malolo "A", Malolo "B" na Mgogozi ambapo wananchi wanaoishi katika vijiji hivyo wamo hatarini kuharibu afya zao kutokana na maji wanayotumia kwa kunywa na shughuli zinigine.

Kutokana na athari hiyo kutokea Mbunge wa jimbo la Mikumi, bwana Abdulsalam Ameri tayari amekwisha peleka mtambo wake wa kuchimba visima vya maji katika kata hiyo na kila kijiji kati ya vijiji hivyo vitachimbiwa visima viwili na kufanya idadi ya visima sita katika kata hiyo ambavyo vitasaidia kuokoa maisha ya wananchi wa kata hiyo.

UKOSEFU WA WATAALAMU MBALI MBALI KATIKA SEKTA YA KILIMO CHA MIWA NI KIKWAZO KIKUBWA KWA WAKULIMA WA MIWA KILOMBERO

UKOSEFU WA WATAALAMU MBALI MBALI TATIZO KWA WAKULIMA WA MIWA KILOMBERO
Ukosefu wa Wataalamu wa Uchumi , Mizani na Sheria ni baadhi ya changamoto zinazovikabili vyama vya Wakulima wa Miwa katika Bonde la Kilombero.

Akizungumza katika mahojiano na mwandishi wetu Katibu wa Chama Cha Wakulima wa Miwa cha Msolwa Ujamaa (MUCGA) Modestus Chitemi amesema ili kuwezesha ongezeko la bei kwa Wakulima kwa Uwiano kama ilivyo kwa Nchi Jirani Wataalamu zaidi wanahitajika.

Akitolea mfano wa Nchi ya Malawi, Bwana Chitemi amesema kuwa Wakulima wa Miwa waNchi hiyo wana uwiano wa kupata asilimia Sitini (60) wakati Viwanda vya Sukari vinapata asilimia Arobaini(40).

Ameongeza kuwa kutokuwepo kwa mgao na Ruzuku ya pembejeo kutoka Serikalini katika zao la Miwa ingawa Mahitaji ya mbolea na dawa za magugu ni makubwa sana ni changamoto nyingine inayoikabili vyama vya Wakulima wa Miwa katika Bonde la
Kilombero

Mfanyakazi katika shamba la miwa akiendelea na zoezi la ukataji miwa..(picha juu)
Changamoto nyingine ni ukosefu wa Mtaji kuanzisha na kuendeleza Kilimo cha bega kwa bega na Umwagiliaji na kukosa kasi kubwa ya uboreshaji wa miundombinu ya barabara na mifereji mashambani.

Mbali ya changamoto hizo katibu huyo amesema kuwa Ajira kwa Wananchi, Idadi ya Wakulima na pato la Mkulima, limeongezeka baada ya ubinafsishaji wa Viwanda na matumizi ya mfumo Mauzo ya miwa kwa uwiano wa mapato.

Shamba la miwa wilayani kilombero..

KCY YATUMIA MILIONI TISINI KWA AJILI YA MISAADA.

KCY YATUMIA MILIONI TISINI KWA AJILI YA MISAADA MBALI MBALI.

Kampuni ya Kilimo Cha Yesu (KCY) iliyopo Mpanga Wilayani Kilombero imetumia jumla ya Shilingi Milioni Tisisni (90,000,000/=) katika Mwaka 2010 kwa ajili ya Misaada mbalimbali.

Akitoa maelezo kuhusu kazi ya Kampuni ya KCY kwenye siku ya Sekta Binafsi Tanazania, Mkurugenzi wa KCY Mpanga Bruno Wicki Bruno amesema wametumia Milioni Ishirini na Laki Tano (20,500,00/=)kwa ajili ya Kusomesha watoto ambao wazazi wao hawana uwezo wa kuwasomesha, Milioni Kumi na Saba na Laki Tano (17,500,000/=) misaada ya Dawa kwa walemavu na kusafirisha Wagonjwa na Milioni Kumi na Saba na Laki Tano (17,500,000/=) kusaidia Kanisa.

Shilingi Milioni Thelathini (30,000,000/=) walitumia kufidia hasara katika kampuni ya KCY na Milioni Nne na Laki sita (4,600,000/=)kwa misaada mbalimbali ya wasiojiweza.

Amesema kwa Msimu wa Kilimo uliopita walilima juml;a ya Ekari Elfu NNE mia sita(4600) na wamekopesha Shilingi Milioni Themanini (80,000,000/=) kwa Marejesho ya Riba ya Shilingi Elfu Tano(5,000) kwa Ekari kwa Vikundi kumi vyenye jumla ya Ekari elfu mbili (2000).

Kampuni ya KCY inayojishughulisha na maendeleo na kufundisha neono la Mungu kwa maneno na Matendo imeanzishwa mwaka 2004 kwa lengo la kusaidia Watanzania kuendelea katika shughuli za Kilimo.

TANZANIA KUNUFAIKA NA MSAADA WA EURO MILIONI 15 KUTOKA SERIKALI YA UHOLANZI

TANZANIA KUNUFAIKA NA MSAADA WA EURO MILIONI 15

TANZANIA itafaidika na msaada wa Euro milioni 15 ambazo ni sawa na (zaidi ya Sh bilioni 30 za kitanzania ) kutoka Serikali ya Uholanzi kugharamia mradi wa Kujenga Uwezo kwa Vyuo vya Elimu ya Juu nchini unaojulikana kwa jina la NICHE.

Meneja wa mradi huo, Ute Jansen ameyasema hayo alipotembelea Chuo Kikuu cha Mzumbe mjini Morogoro, kukagua maendeleo ya utekelezaji wa mradi huo ambao kwa Mzumbe, unatoa ufadhili kwa Shule ya Biashara na kuboresha mafunzo ya utawala wa Serikali za Mitaa.

Jansen amesema ana matumaini makubwa kuwa mradi huo utakapokamilika, utaboresha sekta
zilizoainishwa kwenye mradi huo ambazo ni kujenga uwezo katika kutoa elimu kuhusu afya, sekta binafsi na Serikali za Mitaa.

Kwa upande wake, Msimamizi wa mradi huo nchini kupitia Shirika la NUFFIC, Johanna Van Nieuwenhuizen, amesema Uholanzi imeridhishwa na jinsi Tanzania inavyoitumia misaada kutoka nchini mwake, hivyo kujihakikishia fursa zaidi za kusaidiwa katika miradi mbalimbali.

Naye Naibu Makamu Mkuu wa Chuo Kikuu cha Mzumbe, Profesa Mugishi Nkwabi Mgasa, aliyemwakilisha Makamu Mkuu wa Chuo, ameishukuru Serikali ya Uholanzi kwa kufadhili mradi huo na kueleza kuwa ufadhili huo una maana kubwa kwa chuo hicho kwa sababu utapanua uwezo wa chuo hicho katika kutoa mafunzo ya biashara na utawala wa Serikali za Mitaa

PAMBAZUKO FM RADIO 90.7 MHz IFAKARA YAZIDI KUONGEZA USIKIVU.

PAMBAZUKO FM RADIO 90.7 MHz YAZIDI KUONGEZA USIKIVU

Kituo cha radio mjini Ifakara Mkoani Morogoro Panbazuko Fm sterio 90.7MHz, kwa sasa wameongeza usikivu wao kwa lengo la kuwafikia wananchi walio wengi katika sehemu mbali mbali.

Wakizungumza na mtandao huu kwa nyakati tofauti,mkurugenzi mtendaji wa kituo hicho bi THERESIA MAKUNGU amesema kwa sasa wameweza kuwa na usikivu mzuri na kuwafikia wananchi walio wengi mara baada ya kumaliza kufunga mitambo yao mipya.

Bi Makungu amesema lengo kubwa la kituo chao ni kuwahabarisha wananchi yale yanayokuwa yakiendelea katika maeneo yao na duniani kwa ujumla.

Mafundi wakiimarisha mitambo ya radio pambazuko fm ifakara(picha juu)

Nae mwariri mkuu wa kituo hicho bwana ELIAS MAGANGA amesema kwa sasa wamekuwa katika wigo mpana katika kuwahabarisha wananchi wa maeneo mbali mbali ambako radio hiyo imekuwa ikirusha matangazo yake.

Maganga amesisitiza kuwa lengo kubwa la kutoa habari ni kuwajulisha wananchi yale yanayokuwa akiiendelea katika sehemu mbali mbali katika maeneo yao,na kuongeza kuwa siku zote chombo cha habari hakina ugomvi na yeyote bali vimekuwa vikitoa yale mazuri na maovu yanayofanywa katika jamii.

Wakati huo huo aliyekuwa mkuu wa wilaya ya kilombero na mkuu mpya wa mkoa wa Mwanza mheshimiwa Evarist Ndikilo ameipongeza radio pambazuko kwa juhudi zake katika kuwaelimisha na kuwahabarisha wananchi wa wilaya ya kilombero.

Ndikilo ameyasema hayo katika taarifa yake fupi aliyoitoa moja kwa moja kupitia kituo hicho cha radio katika kipindi cha JIONI LEO siku ya alhamisi alipokuwa akizungumza na wananchi wa wilaya ya kilombero katika kuwaaga kwake.

Radio Pambazuko fm kwa sasa inasikika katika mikoa ya Morogoro,Lindi ,Ruvuma na Iringa hususani katika wilaya mpya ya KILOLO

Sehemu ya antena mpya za pambazuko fm radio katika picha ya anga...

SEHEMU YA MIJI YETU INAVYOONEKANA KATIKA PICHA ZA ANGA.

Hii ni baadhi ya mitaa katika miji yetu hapa nchini Tanzania,sehemu hii inawakilisha maeneo mengi ambayo maisha ya mtanzania wa kawaida huyaendesha kila siku katika kujitafutia kipato chake cha siku..

Na hii ni kutoka katika mkoa mpya wa NJOMBE mooja ya mikoa mipya inayopatikana hapa nchini kwetu.

MKUU MPYA WA MKOA WA MWANZA AWAOMBA WAZEE KUSHIRIKIANA NA VIONGOZI WAPYA KILOMBERO

MKUU MPYA WA MKOA WA MWANZA AWAOMBA WAZEE KUSHIRIKIANA NA VIONGOZI WAPYA KILOMBERO
Ombi limetolewa kwa wazee kutoa ushirikiano wa kutosha kwa mkuu wa wilaya atakayekuja kuongoza katika wilaya ya kilombero pamoja na viongozi wengine wanaobaki kama walivyoshirikiana vizuri na mkuu wa wilaya aliyepita.

Ombi hilo limetolewa na aliyekuwa mkuu wa wilaya ya kilombero ambaye kwa sasa ni mkuu wa mkoa wa mwanza mhandisi Evarist Ndikilo katika mkutano wa kuwaaga na kuwashukuru wazee wa wilaya ya kilombero uliyofanyika leo katika ukumbi wa jamosi mjini Ifakara.

Mhandisi ndikilo amewaeleza wazee, kuwa kwa kipindi cha miaka mitano aliyofanya kazi katika wilaya amefanikiwa kuleta maendeleo katika sekta ya elimu,kilimo,afya,miundombinu na mazingira,

Mbali na mafanikio hayo mhandisi ndikilo hakusita kuwaeleza wazee changamoto ambazo zinaikabili wilaya ya kilombero zikiwemo umaskini,migogoro ya Ardhi na uharibifu wa mazingira unaosababishwa na mifugo na kilimo cha umwagiliaji.

Kwa upande wao wazee wamezitaja changamoto zinazowakabili ikiwemo kutibiwa bure na ajali za bodaboda zinazotokea mara kwa mara ,lakini pia wamemshukuru mhandisi Ndikilo kwa ushirikiano aliouonesha kwa wazee kwa kipindi cha miaka mitano aliyokuwa akifanya kazi wilayani hapa na kumtakia kazi njema huko aendako.

SHIRIKA LA MICHE LA ITALY LATOA KOMPYUTA KWA SHULE YA MSINGI MJINI IFAKARA

SHIRIKA LA MICHE LA ITALY LATOA KOMPYUTA KWA SHULE YA MSINGI MJINI IFAKARA
Shule ya msingi ya Madukani iliyopo kata ya Ifakara wilayani Kilombero, hivi karibuni imepokea Kompyuta kumi na Printer moja kutoka shirika la MICHE la Italia.

Mwalimu mkuu wa shule hiyo, bibi Ester Nuruva ameueleza mtandao huu kuwa kompyuta walizopata kutoka katika shirika hilo watazitumia kwaajili ya kuwafunza wanafunzi wa kuanzia darasa la tatu hadi darasa la saba.

Aidha mwalimu mkuu huyo amesema hapo awali shule hiyo ilikuwa inafundisha somo la TEHAMA ambapo ilikuwa inahusu kompyuta kwa nadharia, kutokana na kupata msaada huo wa kompyuta sasa somo hilo litafanywa kwa vitendo.

Bibi Nuruva amesema aliyekabidhi msaada huo kwa shule hiyo alikuwa Rais wa shirika hilo, bibi Eva Maria Bardeleben kutoka Italia.

Mwalimu mkuu wa shule ya msingi ya Madukani, amelishukuru shirika hilo kwakuwa na moyo wa kujitolea kwa upande wa sekta ya elimu, hivyo ameyaomba mashirika mengine kuwa na moyo wa kutoa misaada hususani katika sekta ya elimu.

AFARIKI KWA AJALI YA PIKI PIKI WILAYANI KILOMBERO-IFAKARA

AJALI YA PIKI PIKI WILAYANI KILOMBERO-IFAKARA

Mtu mmoja amekufa na wawili wamejeruhiwa kutokana na ajali ya gari iliyomgonga mwendesha pikpiki jana (20/9/011) eneo la kwa shungu kata ya Kibaoni wilayani Kilombero.

Kamanda wa polisi mkoa wa Morogoro, Adolfina Chialo ameieleza radio pambazuko kuwa ajali hiyo imetokea jana majira saa tisa na nusu alasiri baada ya gari hilo lenye usajili wa Na.T 184 AAC lilikuwa likiendeshwa na David Mtazama(39) mkazi wa kitongoji cha Mkuya na kumgonga mwendesha pikipiki Emanuel Amnungi(17) mkazi wa Mlabani aliyekuwa akiendesha pikipiki yenye usajili ya Na. T590 DRM ainaya TIBETA.

Aidha Chialo amemtaja aliyekufa katika ajali hiiyo ni Abdulazaki Mgoima(4) aliyekuwa amebebwa na mama yake Anna Sabu ambaye amejeruhiwa wakati wamebebwa katika pikipiki hiyo wakitokea mjini Ifakara kuelekea nyumbani kwao Kijiji cha Mbasa

Kamanda huyo amesema gari lililogonga pikipiki lilikuwa likitokea mjini Ifakara kuelekea Kibaoni na imegonga pikipiki kwa nyuma.

Amewataja majeruhi waliiojeruhiwa katika ajali hiyo ni Anna Sabu abiria wa pikipiki na dreva wa pikipiki Emanuel Mnungi ambao wote wamelazwa katika hospitali ya mtakatifu Francis ya mjini Ifakara katika wodi ya wagonjwa mahututi.

Hata hivyo kamanda Chialo amesema dreva amejisalimisha polisi na tayari leo amekwisha fikishwa mahakamani kujibu mashitaka manne ya kusababisha kifo, kusababisha majeruhi wawili na uharibifu wa mali.

MBUNGE WA MIKUMI ACHANGIA SHILINGI MILIONI 27.3KWA MIRADI YA MAENDELEO

MBUNGE WA MIKUMI ACHANGIA SHILINGI MILIONI

Mbunge wa jimbo la Mikumi kwa tiketi ya CCM, bwana Abdulsalam Ameri hadi sasa kwa muda wa miezi kumi akiwa mbunge, amekwisha tumia jumla ya shilingi milioni 27.3 kwa kuchangia miradi ya maendeleo ya kata.

Bwana Ameri amesema jimbo lake la mikumi lina jumla ya kata 14 na yuko katika ziara ya kuwashukuru wananchi kwa kumchagu kuwa mbunge na kupita kata hadi kata.

Amesema hadi Septemba 20 mwaka huu amekwisha tembelea kata kumi kwa kufanya mikutano ya kuwashukuru na kupata kero kutoka kwa wananchi wa kata husika.

Hivyo amewataka wananchi wa jimbo hilo kuwa uchaguzi umekwisha mwaka 2010 na makundi yamekwisha sasa imebaki kufanyakazi ya kujenga uchumi wa nchi yetu na amewataka viongozi wa serikali za kata wafanye kazi isiyokuwa na jazba.

Aidha mbunge huyo amewaasa viongozi waache kufuata makundi, wafanye kazi waliyotumwa pia amewataka viongozi wa vijiji kuwasomea taarifa ya mapato na matumizi wananchi wa vijiiji vyao kwa kila kipindi cha miezi mitatu ili wananchi wawe na imani na viongozi wao na kuhamasika kujiletea maendeleo.

WANANCHI WA KIDODI WILAYANI KILOSA WACHANGA SHILINGI MILION TATU KWA AJILI YA MRADI WA MAJI.

SHILINGI MILION TATU KWA AJILI YA MRADI WA MAJI.

Jumla ya shilingi mil.3 zimekusanywa kutokana na mchango wa wananchi wa kijiji cha lumango kata ya kidodi wilayani kilosa kwaajili ya mradi wa maji ya mtiririko.

Kwa mujibu wa taarifa iliyotolewa na afisa mtendaji wa kijiji hicho sept 18 mwaka huu katika mkutano wa hadhara uliofanyika katia kata ya kidodi kwa mbunge wa jimbo la mikumi bwana Abdulsalam Amer,imeeleza kuwa kijiji hicho kimepangiwa kuchangia mradi huo kiasi cha shilingi mil 4 na laki 5.

Taarifa hiyo iliyowasilishwa kwa mbunge wa jimbo hilo imeeleza kuwa wananchi wa kijiji hicho hadi sasa wanadaiwa shilingi mil 1 na laki 5 kwa ajili ya mradi hou.

Diwani wa kata ya kidodi bwana Ibrahim Fatahaki amesema kuwa katika kata hiyo,kijiji cha lumando kinaongoza kwa mchango wa mradi wa maji katika kata ya kidodi.

Wakati huohuo wananchi wa kijijik hicho wamfyatua jumla ya matofali 20000 ya kuchoma kwa ajili ya ujenzi wa zahanati unaotarajia kuanza hivi karibuni.


Hata hivyo mbunge wa jimbo hilo bwana Amer ameahidi kusaidia ujenzi wa zahanati hiyo kwa kutoa vifaa vya ujenzi.

SHIDA YA MAJI YAWA KERO,WAKAZI WA KIMARA

SHIDA YA MAJI YAWA KERO KWA WAKAZI WA KIMARA JIJINI DAR ES SALAAM.

Tatizo la maji kwa wakazi wa jiji la dar es salaam limezidi kuwa kero kwa wakzi wengi wa jiji kufuatia kutopata huduma hiyo kwa kipindi kirefu sasa kwa maeneo mengi.

Hali hiyo imejidhihilisha kwa wakazi wengi wa maeneo ya kimara ambao ni kwa kipindi cha mwezi mmoja sasa huduma hiyo imekuwa haipatikani katika maeneo yao hali inayosababisha hali ya maisha kuwa ngumu zaidi ya ilivyokuwa sasa.

Mtandaao huu uliwakikuta kina mama wengi wa maeneo hayo ya kimara wakiwa mamekusanyika katika bomba dogo lililokuwa likivuja ili kuweza kupata huduma hiyo ya maji.

Wakizungumza na mtandao huu kwa nyakati tofauti wakazi hao wa maeneo ya kimara wamesema shida ya maji imekuwa ni kero kubwa kwa upande wao hali inayowalazimu kutafuta maji kwa muda mrefu na pale wanapoyapata katika magari yanayouza maji hayo basi bei nayo imekuwa tatizo kwani ndoo moja ya lita ishirini imekuwa ikiuzwa kati ya shilingi mia moja na hamsini hadi mia mbili na hamsini hali inayowafanya washindwe kumudu gharama hizo.

Juhudi za kuwapata maafiasa wa DAWASCO kuweza kuzungumzia tatizo hilo hazikuzaa matunda na badala yake mtandao huu ulikutana na afisa mmoja aliyekataa kutaja jina lake kwa kusema kwamba yeye si msemaji,na kuongeza kuwa tatizo linalosababisha kukosekana kwa maji ni kupungua kwa presha katika mambomba hayo na pale yanapotoka watu wachache wamekuwa wakiyaaiba maji hayo kwa kuyavuta na mota kisha kupandisha katika matanki yao hali inayofanya maji kusambaa katika maeneo mengine.

Hali hii ya kukatika kwa huduma ya maji katika maeneo mengi ya jiji la dar es salaam imekuwa kero kwa wananchi wengi wa jiji hili ikiwa ni sambamba na kero ya kukatika kwa umeme,hali ambayo imekuwa ikiwasumbua wakazi wengi wa jiji hili.

Katika maeneo hayo hayo ya kimara kwa siku ya tarehe 8 mwezi huu wa pili (2) umeme nao ulikatika toka majira ya saa mbili za asubuhi na kurudi majira ya saa tatu na nusu za usiku hivyo kuwafanya wakazi hao kutokuwa na huduma ya maji na umeme katika maeneo yao.

MATOKEO KIDATO CHA NNE NJOMBE

MATOKEO KIDATO CHA NNE NJOMBE,WALIOHITIMU WAFULIKA KWENYE MIGAHAWA YA MAWASILIANO.

Mara baada ya baraza la mitihani nchini Tanzania kutangaza matokeo ya kidato cha nne waliofanya mtihani yao mwezi wa kumi mwaka jana,hali imekuwa ni ya kupishana kwenye migahawa ya mawasiliano kwa wanafuzi na wazazi wa watoto mbali mbali ili kuweza kujua matokeo hayo.

Mara baada ya baraza la mitahani Tanzania kutangaza matokeo ya kidato cha nne na kuyaweka katika mtandao wa baraza hilo,watahiniwa mbali mbali wamejitokeza katika migahawa ya mawasiliano kuangalia ufaulu wao kwa sehemu mbali mbali nchi.

Mara baada ya baraza la mitihani nchini Tanzania kutangaza matokeo ya kidato cha nne waliofanya mtihani yao mwezi wa kumi mwaka jana,hali imekuwa ni ya kupishana kwenye migahawa ya mawasiliano kwa wanafuzi na wazazi wa watoto mbali mbali ili kuweza kujua matokeo hayo.
Mtandao huu umefanikiwa kupita katika sehemu mbali mbali za migahawa hiyo ya mawasiliano kwa mji wa Njombe na imekuta idadi kubwa ya wanafunzi waliojitokeza katika kuangalia matokeo hayo yaliyotangazwa na baraza la mitihani hapa nchini.

Hali hii imekuwa ikiwapa wakati mgumu kwa wanafunzi kuweza kupokea matokeo yao mara baada ya kufanya mitihani yao mwezi wa kumi mwaka 2010 na kusubiri matokeo yao kwa kipindi chote cha takribani miezi mitatu.

Akizungumza na mtandao huu mmoja wa wanafuzi waliohitimu mwaka huo wa 2010 katika shule ya mpechi wilayani Njombe mkoani Njombe aliyekataa kutaja jina lake anasema matokeo ya mwaka huu kwa shule za serikali sio mazuri sana kutokana na shule za serikali kubwa na upungufu wa walimu ,vile vile kutokuwepo kwa vifaa vya ufundishaji ikiwemo vifaa vya maabara kwa nyingi za serikali.

Kijana huyu anasema kwa upande wake yeye matokeo yake hayajakuwa mazuri sana kama alivyokuwa akitarajia.

Ameongeza kuwa moja ya vitu ambavyo pia vimepelekea kuanguka kwao katika ufaulu ni pamoja na kitendi cha serikali kuondoa mtihani wa kidato cha pili hali inayopelekea kwa wanafunzi waliofanya vizuri na wasiofanya vizuri kuendelea katika kidato cha tatu hivyo kutowafanya wanafunzi wengi kutokuwa makini hali inayowapelekea kufika kidato cha nne wakiwa bado hawana uwezo mzuri kitaaluma.

Hata hivyo baadhi ya wazazi wilayani hapa wamesema kuwa ufaulu wa watoto wao wengi wao umekuwa si mzuri sana kutokana na watoto wao wengi waliokuwa shule za serikali kutokufanya vizuri kama wale wenzao wa shule za binafsi.

Mtandao huu haukufanikiwa kukutana na afisa elimu wa wilaya hii ya Njombe kuweza kuzungumzia ufaulu kwa wilaya ya Njombe na shule zake kwa ujumla.

MENEJA WA KITUO CHA RADIO UPLANDS FM AFARIKI DUNIA.

KWA MASIKITIKO MAKUBWA NIKIWA KAMA MKURUGENZI MTENDAJI WA KITUO CHA REDIO CHA UPLANDS FM CHA HAPA MJINI NJOMBE NAOMBA KUWATANGAZIA KUWA ALIEKUWA MENEJA WA KITUO HIKI BWANA VITUSI THOMAS SWALE AMEFARIKI DUNIA JANA MAJIRA YA SAA KUMI NA MBILI JIONI KATIKA HOSPITALI YA MJINI NJOMBE KIBENA

 

KWA TAARIFA ZAIDI KUHUSU RATIBA YA MAZISHI NA MIPANGO YA MAZISHI MTAENDELEA KUFAHAMISHWA KUPITIA KITUO CHA RADIO CHA UPLANDS FM NA KUPITIA MTANDAO HUU PIA KADIRI MIPANGO YA MAZISHI INAVYIOENDELEA KUPANGWA

 

KWA NIABA YA FAMILIA YA SWALE,WAKURUGENZI WA UPLANDS FM,WAFANYAKAZI WA UPLANDS FM,NDUGU,JAMAA NA MARAFIKI TUNASEMA MUNGU AMEMPENDA ZAIDI BW VITUS THOMAS SWALE KULIKO UWEZO WETU KAMA WANADAMU.

 

TUNAWAOMBA KUWA WAVUMILIVU KATIKA KIPINDI HIKI KIGUMU NA KWASIKILIZAJI WA UPLANDS FM TUNAOMBA KUWATANGAZIA KUWA VIPINDI VYETU HAVITOKUWA KATIKA UTARATIBU WA KAWAIDA KWA KIPINDI CHOTE CHA MSIBA HADI HAPO MTAKAPOTANGAZIA TENA BAADAE

HAPPY NEW YEAR 2011

MTANDAO WAKO WA KIHABARI YAANI HABARIKWANZA,UTAKUTAKIA SIKUKU NJEMA ZA MWAKA MPYA WA 2011.WAANDAAJI NA WANAHABARI WA MTANDAO HUU KWA PAMOJA TUNAWATAKIA MAFANIKIO MEMA KATIKA MWAKA HUU WA 2011.KILA LAKHERI MTANZANIA NA MSOMAJI WA MTANDAO HUU........HABARIKWANZA........ 

WANYANG'ANYWA ARDHI YAO HUKO BABATI BILA YA KUPATIWA FIDIA YOYOTE.

WAADHIMIA KUFANYA MAANDAMANO BAADA YA KUNYANG'ANYWA ARDHI YAO BILA FIDIA BABATI.

BAADHI ya wakazi wa mtaa wa Bagara ziwani wilayani Babati wameazimia kufanya maandamano ya amani hadi kwa Mkuu wa mkoa wa Manyara,Henry Shekifu kutokana na kilio chao cha muda mrefu cha kunyang'anywa ardhi yao bila fidia ya maana.

Wakizungumza na waandishi wa habari juzi mjini Babati huku wakiwa na masikitiko makubwa wakazi hao zaidi ya 48 walidai kuwa wataandamana hadi kwa Mkuu huyo wa Mkoa na endapo kilio chao hakitasikilizwa watakwenda kulalamika kwa waziri mwenye dhamana ya ardhi.

Mmoja kati ya wakazi hao Athumani Omary alisema kuwa wamemiliki ardhi hiyo kwa zaidi ya miaka 40 lakini serikali inataka kuwahamisha bila kuwafidia na kuwapa eneo jingine.

Omary alisema katika ardhi hiyo yapo makaburi ya wazazi wao waliofariki na kuzikwa hapo pia kuna watu waliozaliwa kwenye ardhi hiyo hivyo hawatakubali waporwe ardhi yao kwa urahisi.

Naye Sakwara Muna alisema japo Babati ni makao makuu ya mkoa wa Manyara hawapingi eneo lao kutumika kwa ajili ya kupatikana maendeleo lakini wanapaswa wapatiwe eneo mbadala la kuhamia.

Muna alisema kama Serikali imeamua eneo la Bagara ziwani ni la kujengea majengo mapya ya taasisi mbalimbali za kibinafsi na serikali inatakiwa kuwajali wale wanaoishi kwenye eneo hilo.

Mkazi mwingine Tatu Sakwara alisema baadhi ya viongozi wa ardhi wilayani Babati wamekuwa wakitoa fidia ambayo hailingani na thamani ya ardhi kwani familia yenye makaburi na ardhi ya eka 10 huwezi kuwapa sh 200,000 kwa kila eka.

Sakwara alisema kuwa hivi karibuni Jeshi la polisi mkoani humo lilijenga makazi ya polisi baada ya kununua eneo kwa sh 78 milioni lakini hawajaambulia chochote kwenye fedha hizo.

Hata hivyo Mwenyekiti wa mtaa huo,Juma Akedai alikiri kufahamu mgogoro huo na kudai kuwa wakazi hao wananyanyaswa kutokana na kutotendewa haki na Serikali.

KANISA KATOLIKI JIMBO LA NJOMBE KUTOA HUDUMA YA UMEME KWA BEI NAFUU.

KANISA LAWAKUMBUKA WAUMINI WAKE NA KUAMUA KUTOA HUDUMA YA UMEME KWA WANANCHI NJOMBE.

Wakati Wananchi wakipata Hadha kubwa kutokana na Kukatizwa Katizwa kwa Huduma ya Umeme Mara kwa Mara Sasa Hali hio huenda Ikawa Historia Baada ya Kanisa Katoliki Jimbo la Njombe Kuanza Kutoa Huduma ya Umeme kwa Bei Nafuu Tofauti na Ile inayotozwa na Shirika la Ugavi Tanzania TANESCO

Katika Kutatua Kero kwa Njia Iliosahihi Zaidi ya Wakazi 250 Wameripotiwa kuanza kunufaika na Huduma hiyo ambayo pia itawaunganisha Wakazi wa Ludewa.

Askofu wa jimbo hilo Mhashamu Alfred Maluma amesema lengo la mradi huo ni kuwapa nyenzo ya kuondokana na umasikini kutokana na maeneo ya vijiji ambavyo viko katika mazingira magumu ya kufikiwa na maendeleo yanayofanywa na Serikali.

Akizungumzia Mradi Huo wa umeme wa Mawengi wilayani Ludewa unaoendeshwa na kanisa Katoliki Jimbo la Njombe Askofu huyo Amesema Mradi huo pia umeanza kusambaza umeme kwa wananchi kwa bei nafuu kuliko inayotozwa na Shirika la Umeme (Tanesco).

Askofu Maluma alikuwa akizungumza na kundi la wanahabari waliotembelea mradi huo ambao umejengwa na shirika lisilokuwa la kiserikali la ACRA chini ya ufadhili wa Serikali ya Italia.

Kwa mujibu wa Katibu wa Huduma za jamii na Maendeleo wa kanisa Katoliki jimbo la Njombe, Padri Evodius Msigwa wananchi ambao wameunganishiwa umeme hadi sasa wanafikia 250 na juhudi zinaendelea kuwaunganishia wengine.

Padri Msigwa ambaye ni Paroko wa kanisa Katoliki parokia ya Njombe alisema kutokana na wananchi wengi kutokuwa na uwezo wa kumudu gharama za kuunganisha umeme, jumuiya ya Lumama inawatoza asilimia 20 ya maunganisho na asilimia 80 wanalipa kidogo kidogo ndani ya mwaka mmoja.

Umeme huo unaozalishwa kwa kutumia maporomoko ya maji kama ilivyo kwa vyanzo vingine vya Tanesco, unahudumia vijiji vitatu vya Mawengi, Lupande na Madunda na una uwezo wa kuzalisha kilowati 150 kwa siku.

Askofu huyo alisema ili umeme huo uweze kuwafikia watu wengi katika vijijini vingine, ni lazima Serikali ishirikiane kwa karibu na kanisa hilo, wahisani pamoja na Wakala wa Umeme Vijijini (Rea) ili kuusambaza kwa wananchi wengi zaidi kutokana na miundombinu yake kuwa aghali.

HOSPITALI YA WILAYA NJOMBE (KIBENA) YAKOSA HUDUMA YA X-RAY.

MWEZI WA SABA SASA HOSPITALI YA WILAYA NJOMBE (KIBENA) YAKOSA HUDUMA YA X-RAY.

Zoezi la Kutambua na Upimaji Wagonjwa wa Fistula Wilayani Njombe limeshindwa kufanyika kama ilivyokusudiwa kufuatia Idadi ndogo ya Wananchi waliojitokeza katika Hospitali ya Mji wa Njombe Kibena

Hadi Kufikia jana wakati wa Kufunga Zoezi hilo ni Mwanamke Mmoja Tu aliejitokeza kupimwa na kugundulika kuwa na Ugonjwa huo ambae Tayari amepelekwa katika Hospitali ya Mkoa wa Iringa kwa ajili ya Matibabu Zaidi

Mganga Mfawidhi wa Hospitali ya Mji wa Njombe Kibena Daktari Evarest Mtitu Amesema idadi hio ndogo ya Wananchi waliojitokeza Imetokana na Kuchelewa kufika kwa Taarifa kwa Wananchi juu ya Uendeshwaji wa Zoezi hilo ambalo liliendeshwa kwa siku mbili

Amesema kutokana na Ufinyu wa Bajeti katika Sekta ya Afya Wilayani Njombe Umechangia kutokufanikiwa kwa

Kwa Mwezi wa Saba Sasa Hospitali ya Kibena Wilayani Njombe imeshindwa kutoa Huduma ya Upigaji Picha za X-Ray Kutokana na Kukosa Mtaalamu wa Fani hio

Hali hio imetokana na Mtaalamu Aliekuwepo Awali kupata Nafasi ya Masomo na Kwenda Kusoma Katika Tume ya Taifa ya Mionzi hali ambayo Imesababisha Huduma Hio Kusitishwa

Mganga Mkuu wa Hospitali ya Kibena Daktari James Ligwa Amesema kutokana na Kukosekana kwa Huduma Hio katika Hospitali hio imesababisha Wananchi kulazimika kwenda katika Vituo na Zahanati Binafsi ili kuweza kupata Huduma Hizo Hatua Ambayo Imewasababishia Kuongeza Ugumu wa Maisha Kutokana na Gharama Kubwa katika Vituo Hivyo

Amesema Hospitali ya TANWART na IKONDA zimekuwa Zikitumiwa na Hospitali hio Kama Njia Mbadala ya kusaidia Wagonjwa wanaofikia katika Kituoi Hicho Kwa ajili ya Kuhitaji Huduma Hizo

Akizungumza na mtandao huu Hospitalini hapo Mganga Mfawidhi wa Hospitali hio Daktari Evarest Mtitu Amesema Tayari Wamewasiliana na Serikali kwa ajili ya kuomba Kuajiri Mtaalamu Mwingine ambapo kwa sasa Wanasubiri majibu kulingana na Taratibu za Ajira

BEI KUBWA YA MBOLEA YAWA KIKWAZO KWA WAKULIMA WILAYA YA NJOMBE

MBOLEA ZAWA KIKWAZO KWA WAKULIMA ,NJOMBE.

Wananchi Wilayani Njombe Wameendelea kulalamikia Bei Kubwa ya Mbolea licha ya serikali kutangaza kuwa Zingeuzwa kwa punguzo kufuatia kuwepo kwa Utaratibu wa Malipo ya Ruzuku

Katika Vijiji vya Lupembe,Tarafa za Makamabako na Maeneo ya Ilembula Wananchi Wamelalamikia Kuuziwa Mbolea Hizo kwa bei ya juu Zaii Toafuti na Walivyoelekezwa hapo Awali

Wakiongea na mtandao huu baadhi ya wananchi wamesema mbolea aina ya DAP kwa madukani inauzwa 65 elfu kwa ruzuku wananunua kwa shilingi 39 elfu ambapo serikali inakua imelipia kiasi cha 26 elfu.Kwa upande wa mbegu,wamesema kwa kilo 10 ya luzuku inauzwa 20 elfu na madukani inauzwa 40 elfu.

Hali Hio Imewafanya Wananchi hao Wasione Umuhimu wa kuwepo kwa Ruzuku hio kwani Bei Inayouzwa Madukani Wamedai kutotofautiana na Bei inayouzwa na Mawakala wa Ruzuku

Licha ya Malalamiko hayo lakini Bado Wananchi hao Wameelezea jinsi Zoezi hilo linavyoendeshwa kwa madai ya kuendeshwa katika hali ya Taratibu hali ambayo inawachelewesha kuanza Msimu Mpya wa Kilimo Ambao Unakaribia kuanza

Mmoja wa Mawakala wa mbolea CLEA MGINA, amesema sababu za kuchelewa kumaliza zoezi hilo ni Kutokana na gharama kubwa za Ununuzi wa Mbolea Hizo hivyo wananchi wanashindwa kulipia kwa Wakati gharama hizo.