Kesi inayowakabili walezi wa Marehemu Nasra Rashid Mvungi
ya kuhusika na unyanyasaji pamoja na mateso ya kumfungia mtoto huyo kwenye box kwa
muda wa miaka mitatu na nusu, imesikilizwa tena kwa mara ya pili katika
mahakama ya Mkazi Morogoro na kuhahirishwa mpaka June 12 mwaka huu kutokana na
washtakiwa hao kutakiwa kuhojiwa upya na jeshi la polisi.
Kesi hiyo iliyovutia hisia za wakazi wengi wa manispaa ya
Morogoro imeketi chini ya Hakimu Mkazi mfawidhi Mary Moyo mapema asubuhi ya leo
kwa ajili ya usikilizwaji wa awali huku washitakiwa akiwemo baba mzazi wa
Marehemu Nasra, Rashidi Mvungi,na walezi wa mtoto huyo Mariamu Said,na Mtonga
Omary wanashitakiwa kwa makosa mawili ya kula njama na kumfanyia ukatili wa
kumtekelekeza na kumpa malezi akiwa ndani ya boksi kwa muda wa miaka
mitatu na kumsababishia maradhi ya mvunjiko wa mifupa katika mwili wake na
kupelekea kifo chake.
 |
| Picha ya Mtoto Nasra enzi za Uhai wake |
Katika kesi hiyo wakili wa serikali Sunday Hyera
ameiomba mahakama ya hakimu mkazi Morogoro kusimamisha usikilizaji wa awali wa
kesi hiyo,na kuomba kuhojiwa upya kwa washtaki hao na jeshi la polisi
mkoani hapa.
Wakili wa serikali amesema kutokana na mtoto Nasra
kufariki anaiomba mahakama kutaja tarehe ya karibu kwa ajili usikilizaji
mwingine wa kesi hiyo, mara baada ya kukamilika kwa mahojiano na uchunguzi kwa
watuhumiwa hao.
Mahakama chini ya hakimu wake Moyo amesema hakuna
pingamizi kuhusiana na ombi hilo la washtakiwa kwenda kuhojiwa upya na
kufanyiwa uchunguzi, ambapo washtakiwa hao wametakiwa kurudishwa rumande mpaka
hapo kesi hiyo itakaposikilizwa tena June 12 mwaka huu.
No comments:
Post a Comment